ខណៈ​អង្គការ​យូណេស្កូ​កំពុង​ពិចារណា​ដាក់​បញ្ចូល​«ល្ខោនខោល»​ទៅ​ក្នុង​បញ្ជី​បេតិកភណ្ឌ​ពិភព​លោក ​ប្រជា​ជន​​ខ្មែរ​​មួយ​ចំនួន​ បាន​នាំ​គ្នា​ចាប់​អារម្មណ៍​ប្តូរ​​Profile​ ហ្វេស​ប៊ុក​របស់​ខ្លួន​ ដោយ​​អះ​អាង​ថា ​ល្ខោន​ខោល​គឺ​ជា​របស់​ខ្មែរ​។ ​ការ​ដែល​ខ្មែរ​នាំ​គ្នា​ចេញ​មុខ​អះ​អាង​យ៉ាង​ដូច្នេះ​ គឺ​ដោយសារ​តែ​​ប្រទេស​ថៃក៏​កំពុង​តែ​ស្នើ​ឲ្យ​​អង្គការ​​យូណេស្កូ​ ចុះ​បញ្ជី​របាំ​មួយ​ប្រភេទ​ដែល​​ស្រដៀង​គ្នា​នឹង​​ល្ខោន​ខោល​របស់​ខ្មែរ​នេះដែរ​។​ ​ប៉ុន្តែ​​អ្នក​​វិភាគ​​ កត់​សំគាល់​ថា ​ការ​​ចាប់​អារម្មណ៍​របស់​ប្រជាជន​ខ្មែរ​លើ​​វប្បធម៌​របស់​ខ្លួន​គឺ​កើត​ឡើង​​តែ​មួយ​ឆាវ​ៗ​ នៅ​ពេល​​ប្រទេស​​ជិត​​ខាង​​មាន​ការ​​ប្រទាញ​ប្រទង់​ពី​រឿង​នេះ​ តែ​ថា​នៅ​ពេល​មាន​ការ​​សំដែង​សិល្បៈ​បុរាណ​ខ្មែរ​ម្តងៗ​ គឺ​មាន​ការ​គាំទ្រ​តិច​តួច​ជាង​​ការ​​ប្រគុំ​​តន្រ្តី​សម័យ​ ដែល​បទ​ចម្រៀង​ខ្លះ​ថត​ចម្លង​ពី​បរទេស​ទាំង​ស្រុង​។​ ប្រភព៖ RFI