ហេតុអ្វីសត្វពស់ជានិមិត្តរូបផ្នែក វេជ្ជសាស្ត្រ-ឱសថ ?

និមិត្តរូបសត្វពស់រុំជុំវិញដំបង និងសត្វពស់រុំជុំវិញកែវត្រូវបានឃើញនៅគ្រប់ផ្នែកនៃវិស័យវេជ្ជសាស្ត្រ-ឱសថ ។ ប៉ុន្តែប្រភពដើមរបស់និមិត្តរូបនេះជារឿងដែលពុំសូវមានអ្នកដឹង ។

ចំពោះបណ្តាប្រទេសលោកខាងលិច ពស់ដណ្តើមឋានៈ "គួរសម" ក្នុងចំណោមឱសថព្យាបាលដ៏ច្រើន ។ តែបែរជាមានកិត្តិយសក្លាយជានិមិត្តរូបបង្កប់ចរិតប្រពៃណីទាំងវិស័យវេជ្ជសាស្ត្រ និងឱសថសាស្ត្រ ។ និមិត្តរូបផ្នែកវេជ្ជសាស្ត្រ គឺរូបសត្វពស់រុំជុំវិញដំបង ។ ចំណែកនិមិត្តរូបផ្នែកឱសថសាស្ត្រគឺសត្វពស់មានកន្ទុយរុំជុំវិញកែវដាក់ថ្នាំមួយ ហើយខ្លួនរបស់វាវង់ជុំវិញមាត់កែវ ក្បាលដាំចុះ អណ្តាតលិទ្ធថ្នាំ ។

និមិត្តរូបផ្នែកវេជ្ជសាស្ត្រ គឺរូបសត្វពស់រុំជុំវិញដំបង ចំណែកនិមិត្តរូបផ្នែកឱសថសាស្ត្រគឺសត្វពស់មានកន្ទុយរុំជុំវិញកែវ ដាក់ថ្នាំមួយ ហើយខ្លួនរបស់វាវង់ជុំវិញមាត់កែវ ក្បាលដាំចុះ អណ្តាតលិទ្ធថ្នាំ

ប្រភពដើមរបស់និមិត្តរូបទាំង២ខាងលើផ្តើមចេញពីរូបសំណាកបុរាណក្រិកមួយមានអាយុកាលមុននេះរាប់ពាន់លានឆ្នាំ និងនៅរក្សាទុកដល់សព្វថ្ងៃ ជារូបឆ្លាក់ Asklpios និងកូនស្រីរបស់លោកឈ្មោះ Hygeia ។

Asklepios (ឈ្មោះឡាតាំងគឺ Aesculapius) រស់នៅសតវត្សរ៍ទី១៧ មុនគ្រិស្តសករាជ (ពោលគឺរស់នៅមុនយើងជាង ៣៧០០ឆ្នាំ) ។ លោកជាគ្រូពេទ្យមានស្នាដៃព្យាបាលជំងឺដ៏អស្ចារ្យ និងត្រូវបានគោរពតម្កើងធ្វើអាទិទេព Apollo ទទួលភារៈព្យាបាលជំងឺ ។ កូនស្រីពៅរបស់លោកឈ្មោះ Hygeia (មានន័យថាសុខភាព) បានជួយឪពុកខ្លួនយ៉ាងច្រើនក្នុងការងារថែទាំអ្នកជំងឺ ។ ក៏ក្នុងព្រេងនិទានក្រិកដែក Appllo ត្រូវបានចាត់ទុកជាកូនរបស់ Zeus ជាអាទិទេពខ្ពង់ខ្ពស់បំផុតគ្រប់គ្រងអំណាចនៅឆ្នាំ Olympus ។ ដោយឃើញ Asklepios មានសមត្ថភាពព្យាបាលជំងឺដ៏ពូកែអស្ចារ្យ អាទិទេព Zeus បារម្ភខ្លាចមនុស្សលោកទាំងអស់លើពិភពលោកនឹងត្រូវបានព្យាបាលជំងឺប្រែជាមានជីវិតអមតៈ ហេតុនេះក៏សម្លាប់ Asklepios ដោយផ្គរ និងរន្ទះបាញ់ ។ ក្រោយមក Hygera ក៏ស្លាប់ទៅតាមដែរ ។

អ្នកនឹកគុណ សោកស្តាយបានសាងទីសក្ការៈបូជាអ្នកទាំង២ ។ មិនយូរប៉ុន្មានក្រោយមក ពស់លេចចេញពេញក្នុងវិហារ ។ ពីដំបូងសត្វពស់ទាំងនេះមើលទៅដូចពស់ងាប់ ប៉ុន្តែប្រសិនមានមនុស្សកាន់ឡើងរួចព្រលែងចុះដី នោះស្រាប់តែវាវារចេញបាត់ (ជប់) ។ ពេលនោះ ប្រជាជនមានជំនឿថា ពស់ត្រូវបានអាទិទេព Asklepios ធ្វើឲ្យរស់ឡើងវិញ ។

ក៏ផ្តើមពីព្រឹត្តិការណ៍នេះ ប្រជាជនក្រិកបានឆ្លាក់រូបសំណាកអ្នកទាំង២ដើម្បីគោរពក្នុងកាយវិការប្រកបដោយឫទ្ធីតេជះ។ ដៃឆ្វេងរបស់លោកកាន់ជាប់ដំបងមួយតំណាងឲ្យសិទ្ធិអំណាចអភិធម្មជាតិ ។ ខាងស្តាំលោកជាកូនស្រីដៃកាន់កែវថ្នាំ ។ ពិសេសមានសត្វពស់មួយរុំជុំវិញដំបងរបស់ Asklepios និងអើតក្បាលទៅលិទ្ធថ្នាំដាក់ក្នុងកែវរបស់ Hygeia ។

តាំងពីសម័យបុព្វកាល ពស់ត្រូវបានចាត់ទុកជាសត្វដ៏ពិសិដ្ឋតំណាងឲ្យភាពយល់ដឹងជ្រៅជ្រះទូលំទូលាយ និងសមត្ថភាពព្យាបាលជាជំងឺ អូសបន្លាយជីវិត ។

ប្រភពដើមរបស់និមិត្តរូប២នៃវិស័យវេជ្ជសាស្ត្រ-ឱសថ ផ្តើមចេញពីរូបសំណាកក្រិកបុរាណនេះ ។

អ្នកជំងឺចង់បានការព្យាបាលនឹងនាំបណ្ណាការទៅកាន់ទីសក្ការៈ Asklepios និងគេងយប់នៅទីនេះ ។ ជាមួយនឹងការជួយរបស់បុព្វជិត អ្នកជំងឺនឹងឃើញ Asklepios លេចឡើង ចេញបញ្ជាឲ្យសត្វពស់វារទៅលិទ្ធលើខ្លួនអ្នកជំងឺ ។ ព្រឹកភ្ញាក់ឡើង អ្នកជំងឺអាចមានអារម្មណ៍ថា ខ្លួនជាសះស្បើយទាំងស្រុង ។

សត្វពស់ពុំត្រឹមតែភ្ជាប់ជាមួយ Asklepios ក្នុងព្រេងនិទានប៉ុណ្ណោះទេ តែនៅមានវត្តមានក្នុងពពួកថ្នាំព្យាបាលត្រូវបានកត់ត្រា នៅលើរូបសំណាកទីសក្ការៈទាំងឡាយ ។

និមិត្តរូបចានថ្នាំ Hygeia

ចាប់តាំងពីឆ្នាំ១៩៧៦ ចានថ្នាំ Hygeia ត្រូវបារាំងចាត់ទុកជាផ្លូវការនិមិត្តរូបវិស័យឱសថ ហើយសមាគមឱសថសាស្ត្របារាំងបានបោះផ្សាយនិមិត្តរូបត្រូវបានចាក់ពុម្ពដោយស្ពាន់រាងកែវ និងសត្វពស់ ។ ចំណែកនៅអាមេរិក សមាគមឱសថការី អាមេរិក (APHA) ទទួលស្គាល់ជាផ្លូវការចានថ្នាំ Hygeia ជានិមិត្តរូបវិស័យឱសថពីឆ្នាំ១៩៦៤ ៕