Khmer Sthapana Online, Top stories in cambodia

សង្គម

ចែករំលែក

ដោយ៖ ស្ថាបនា

30/07/2010

ប៉ោយប៉ែត

ល្បែងជល់មាន់លើទឹកដីកាស៊ីណូមានគេអះអាងថាមានច្បាប់ទម្លាប់

ទោះបីជាសម្តេចអគ្គមហាសេនាបតី តេជោ ហ៊ុន សែន នាយករដ្ឋមន្រ្តីនៃព្រះរាណាចក្រកម្ពុជា បញ្ជាឲ្យបិទល្បែងស៊ីសងគ្រប់ប្រភេទ រាប់ទាំងល្បែងជល់មាន់ផងដែរឲ្យបិទទាំងអស់ កុំថាឡើយអ្នកមានអំណាច និងអ្នកមានលុយ ព្រមទាំងមន្រ្តីធំៗនៅក្នុងជួររដ្ឋាភិបាលត្រូវតែបញ្ឈប់សកម្មភាពនេះជាបន្ទាន់ក៏ដោយ ក៏សកម្មភាពនេះ នៅតែកើតមានតាមបណ្តាខេត្តក្រុងនានា ហើយអាជ្ញាធរមានសមត្ថកិច្ចមួយចំនួនបានចុះធ្វើការបង្ក្រាបជាបណ្តើរៗ និងឈានទៅចាប់ខ្លួនម្ចាស់សង្វៀនមាន់នោះ បញ្ជូនទៅកាន់តុលាការជាបន្តបន្ទាប់ផងដែរ។ ប៉ុន្តែចំឡែកណាស់ នៅក្រុងប៉ោយប៉ែត គេសង្កេតឃើញថាមានល្បែងស៊ីសងគ្រប់ប្រភេទ ដូចជាល្បែងជល់មាន់ នៅក្រុងប៉ោយប៉ែត ដែលស្ថិតនៅក្នុងបរិវេណកាស៊ីណូ ហ្គោដិន កំពុងតែបើកបញ្ជល់យ៉ាងគគ្រឹកគគ្រេង ហ៊ោកញ្ជៀវត្រហ៊ឹងអើងកង ដោយគ្មានភ័យខ្លាចអ្វីបន្តិចឡើយ ។

សូមបញ្ជក់ថា ពួកញៀនល្បែងជល់មាន់ទាំងនេះ គឺពួកគេដើរជល់ចល័ត(មួយថ្ងៃកន្លែងនេះ មួយថ្ងៃកន្លែងនោះ) ព្រោះខ្លាចសមត្ថកិច្ចធ្វើក តែសព្វថ្ងៃនេះ គេបញ្ជល់មាន់លែងមានការភ័យខ្លាចទៀត ហើយ គេបើកបញ្ជល់នៅក្នុងកាស៊ីណូនេះតែម្តង ។ ការជល់មាន់នេះ គេតែងសង្កេតឃើញថា មានប្រជាពលរដ្ឋ និងមន្រ្តីរាជការចូលទៅលេង និងទស្សនា ចាក់លុយ ក្នុងមួយគូៗពីប្រាំលានរៀល ទៅដប់លានរៀល ហើយនៅកន្លែងជល់មាន់នោះមានសន្តិសុខឈរយាមលក់សំបុត្រ ក្នុងម្នាក់តម្លៃចូលទស្សនា ប្រាំពាន់រៀល ដែលមានឈ្មោះ ឡុង គឹមហ៊ាង ជាម្ចាស់សង្វៀន(អធិការកិច្ចទាហានជើងគោក ឋានៈវរៈសេនីយ៍ត្រី)និងម្នាក់ទៀតឈ្មោះ ហ៊ា អេង ជាអ្នកគ្រប់គ្រងនៅទីនោះ ហើយល្បែងជល់មាន់នៅទីនោះ កុំថាឡើយអាជ្ញាធរក្រុងប៉ោយប៉ែតមិនដឹងឮនោះ ពីព្រោះកន្លែងជល់មាន់នេះ ស្ថិតនៅក្នុងបរិវេណតារាងបាល់ទាត់វាលធំល្វឹងល្វើយ អ្នកណាក៏អើតមើលឃើញដែរ! ។
     ស្ត្រីម្នាក់មានអាយុប្រហែលជាង ៣០ឆ្នាំ បានត្អូញត្អែរ និងរអ៊ូរទាំថា "ប្តីខ្ញុំដើរលេងជល់មាន់គ្មានធ្វើការ រកស៊ីអ្វីទេ និងលួចយកលុយខ្ញុំទៅលេងល្បែងជល់មាន់នេះចាញ់អស់ប្រាក់ ពេលត្រឡប់មកផ្ទះវិញរករឿងខ្ញុំ និងវាយដំខ្ញុំថែមទៀតផង "។
     ឯបុរសម្នាក់ទៀត ក៏បាននិយាយប្រាប់ខ្មែរស្ថាបនាថា ល្បែងជល់មាន់នេះ ពិតជាមានបើកបញ្ជល់នៅកន្លែងកាស៊ីណូនោះប្រាកដមែន! ហើយពេលខ្ញុំចូលទៅមើលសន្តិសុខយាមនៅទីនោះ ឲ្យខ្ញុំទិញសំបុត្រមួយតម្លៃ ប្រាំពាន់រៀល បើចូលមើលក៏ចូលទៅ បើចង់ថត ក៏ថតទៅ ខ្ញុំជូនទៅថតទៀត ថតម៉ាសប្បាយ...។

      អ្នកកាសែតមួយចំនួននៅប៉ោយប៉ែត ក្រោយពីបានឮសំដីបុរសម្នាក់នោះ រៀបរាប់ដូចពោលខាងលើនេះ ពួកគេសង្ស័យថា ប្រហែលជាអាជ្ញាធរមានសមត្ថកិច្ចក្រុងប៉ោយប៉ែតបើកភ្លើងខៀវ ឲ្យម្ចាស់សង្វៀនមាន់ហើយ បានជាអ្នកយាម(សន្តិសុខ) នៅទីនោះ និយាយឡូយបែបនេះ ។

      កន្លងទៅថ្មីៗនេះ លោកឧត្តមសេនីត្រី ហ៊ុន ហ៊ាន ស្នងការនគរបាលខេត្តបន្ទាយមានជ័យបានអញ្ជើញមកប្រជុំ នៅទីបញ្ជាការដ្ឋានវរៈសេនាតូចប៉ូលិសជើងគោក 9.11 ក្រោមប្រធានបទ "កាពារសន្តិសុខ និងសណ្តាប់ធ្នាប់សង្គម" ហាមឃាត់រាល់ល្បែងស៊ីសងគ្រប់ប្រភេទ និងចាត់វិធានការកណ្តាប់ដៃដែកដ៏ក្តៅគគុកចំពោះអ្នកដែលល្មើសច្បាប់ ។ លោកបានមានប្រសាសន៍បន្ថែមទៀតថា "ខ្ញុំស្តាយណាស់ ដោយមកមិនទាន់ដោយសារយប់ ហើយពួកអ្នកជល់មាន់ទាំងនោះក៏ទៅផ្ទះដែរ!" ។

      ចំណែកលោក ទ្រី ណារិន អភិបាលក្រុងប៉ោយប៉ែត បានប្រាប់អ្នកសារព័ត៌មានតាមរយៈទូរស័ព្ទថា ល្បែងជល់មាន់នៅក្នុងកាស៊ីណូនេះ មានច្បាប់ត្រឹមត្រូវរបស់គេ បើលោកឯងចង់បិទ បិទល្បែងលើពិភពលោកទៅ! ។ ថ្មីៗនេះដែរ មានកាសែតប្រចាំថ្ងៃក្នុងស្រុកបានចុះផ្សាយអំពីការបើកសង្វៀនបញ្ជល់មាន់នេះម្តងរួចមកហើយ ប៉ុន្តែមិនទាន់មានឃើញអាជ្ញធរមានសមត្ថកិច្ចណាចាត់វិធានការ និងទប់ស្កាត់នៅឡើយ៕

ចែករំលែក

ឈ្មោះ
E-mail
Comment

ព័ត៌មានទាក់ទង

ក្លឹបអ្នកកាសែតកម្ពុជាបោះឆ្នោតជ្រើសរើសគណៈកម្មាធិការនាយកថ្មី - 27/08/2010 បើកអានៈ 74

ល្បែងជល់មាន់លើទឹកដីកាស៊ីណូមានគេអះអាងថាមានច្បាប់ទម្លាប់ - 30/07/2010 បើកអានៈ 401

សមេ្តច ហ៊ុន សែន ឆ្លងមេរោគផ្តាសាយ(A/H1N1) រួមទាំងសមាជិកគណៈរដ្ឋមន្រ្តី៤រូបទៀត - 30/06/2010 បើកអានៈ 257

ផ្លូវមួយខ្សែនៅភូមិបាលិលេយ្យចំនុចផ្ទះល្វែងរងនូវការខូចខាតទាំងស្រុងដោយគ្មានអាជ្ញាធរយកភ្នែកមើល - 28/06/2010 បើកអានៈ 208

ហេង ស៊ីណា គំរាមកំហែងដុតផ្ទះប្រជាពលរដ្ឋក្នុងភូមិស្រឡៅជ្រំខាងជើង - 25/06/2010 បើកអានៈ 294

ក្រុមហ៊ុនប្រេង BP ព្រមចំណាយលុយចំនួន ២ម៉ឺនលានដុល្លាUS ដល់អ្នកទទួលផលប៉ះពាល់ពីហេតុការណ៍ផ្ទុះបំពង់ប្រេង - 17/06/2010 បើកអានៈ 260

តម្លៃអចលនវត្ថុនៅកម្ពុជានៅតែបន្តធ្លាក់ចុះដដែល - 12/04/2010 បើកអានៈ 1268

កម្ពុជាក្លាយជាគោលដៅចាក់សំរាមរបស់ក្រុមទុច្ចរិត - 10/04/2010 បើកអានៈ 550

កម្ពុជាប្រកាសសង្រ្គាមប្រឆាំងឧក្រិដ្ឋកម្មព្រៃឈើ - 9/04/2010 បើកអានៈ 289

កាណូតដឹកភ្ញៀវទេសចរណ៍កម្សាន្តតាមដងទន្លេលែងតាមលេខរៀងព្រោះមានអ្នកដាច់បាយ - 9/04/2010 បើកអានៈ 284

វត្តត្រាលមានត្រី បារមីប៉ុនទូកត្នោតផុសចេញពេលចូលឆ្នាំចេញពីរូងបាតទន្លេ - 8/04/2010 បើកអានៈ 812

តាពិការភ្នែកផែង ភឺន ទាមទារយុត្តិធម៌រឿងផែង សំ ប្អូនស្រីប្តឹងយកដី - 7/04/2010 បើកអានៈ 289

ស្នងការខេត្តព្រៃវែងបំភ្លឺករណីកាត់លុយយកទៅឧបត្ថម្ភសមរភូមិមុខ - 6/04/2010 បើកអានៈ 406

រថយន្តកែច្នៃតកន្ទុយដឹកស្រូវ ក្រឡាប់ លើឡិចស៊ីស - 5/04/2010 បើកអានៈ 496

ស្វែងរកចាប់បក្ខពួកជនដៃដល់ដែលវាយបុរសម្នាក់ផុងលលាដ៏ក្បាល - 5/04/2010 បើកអានៈ 359