គូរស្វាមី ភរិយា ភាគច្រើនតែងតែដេកពុំសូវលក់ដោយសារការរំខានសម្លេងដេកស្រម៉ុករបស់ដៃគូរដំណេក ភាគច្រើនអ្នកដេកស្រម៉ុកកើតទៅលើខាងប្រុសៗ មានមាឌធាត់ជាងធម្មតា។
ឥឡូវនេះខាងវិជ្ជសាស្រ្ត សហរដ្ឋអាមេរិក បានរកឃើញប្រភេទថ្នាំគ្រាប់ដើម្បីកាត់បន្ថយដល់ក្រុមមនុស្សដេកស្រម៉ុកឃើញហើយ ដោយធ្វើការសាកល្បងទៅលើជនជាតិ អាមេរិកកាំងជាច្រើននាក់ ក្នុងរយៈពេល៦ខែ ដំបូងបានបង្ហាញឲ្យដឹងថា ជួយបញ្ចុះការដេកស្រម៉ុកទទួលបានលទ្ធផល ៧០% ដោយឲ្យលេបថ្នាំ១គ្រាប់ក្នុង១ថ្ងៃ។
លទ្ធផលដំបូងនៃការសាកល្បងធ្វើឲ្យមានសង្ឃឹមថា វាអាចជាថ្នាំគ្រាប់ជួយព្យាបាលជម្ងឺ ដេកស្រម៉ុកប្រភេទថ្មីមួយទៀតដែលអាចជួយឲ្យមនុស្សដេកស្រម៉ុករាប់លានអ្នកដេកបានស្រណុកស្រួលមិនមានសម្លេងរំខាន ដល់ដៃគូររួមដំណេកជាមួយទៀតឡើយ ហើយ គុណប្រយោជន៍ ថ្នាំគ្រាប់នេះវានឹងអាចជួយបញ្ចុះទម្ងន់និងមានធាតុផ្សំរបស់ថ្នាំ ជួយការពារជម្ងឺលើសឈាមកំរិតខ្ពស់ និងរោគបេះដូងបានថែមទៀតផង៕