នៅក្រុងតាខ្មៅ ខេត្តកណ្តាលកាលពីព្រឹកថ្ងៃទី៩ តុលា មានការរៀបចំពិធីយុទ្ធនាការផ្សព្វផ្សាយវិធាន
ការទប់ស្កាត់គ្រោះថ្នាក់ចរាចរណ៍ផ្លូវគោកក្រោមអធិបតីភាពលោក ជឹម សុខខុន អភិបាលរង ខេត្ត
កណ្តាល លោក នូ សាខន អភិបាលរង ក្រុងតាខ្មៅ ព្រមទាំងមន្រ្តីអ្នកមុខអ្នកការជាច្រើនទៀត។

      លោក នូ សាខន អភិបាលរងក្រុងតាខ្មៅបានមានប្រសាសន៍ថា ពិធីបើយុទ្ធការផ្សព្វផ្សាយវិធាន
ការទប់ស្កាត់គ្រោះថ្នាក់ចរាចរណ៍ផ្លូវគោកនាថ្ងៃនេះគឺស្របពេលដែលសភាពការណ៍របស់សង្គមជាតិបាន
និងកំពុងតែបោះជំហានយ៉ាងរឹងមាំលើមាគ៌ាសន្តិភាពស្ថិរភាពនយោបាយ ការរីកចម្រើននៃសេដ្ឋកិច្ច ការ
សាមគ្គីភាព ឯកភាពជាតិ ការពង្រឹងលទ្ធិប្រជាធិបតេយ្យ ការគោរពសិទ្ធិ និងសេចក្តីថ្លៃថ្នូររបស់មនុស្ស
ការគោរពច្បាប់ ដោយយកអភិបាលកិច្ចល្អធ្វើជាស្នូល និងការអភិវឌ្ឍ លើគ្រប់វិស័យប្រកបដោយចីរភាព
ហើយត្រូវទទួលបានការគាំទ្រ និងជួយឧបត្ថម្ភពីសហគមន៍ជាតិ និងអន្តរជាតិ ជាបន្តបន្ទាប់ក្រោមការដឹក
នាំដ៏ឈ្លាសវៃប៉ិនប្រសប់ និងការផ្តួចផ្តើមប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ
ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា។

      ដោយឡែកនៅក្រុងតាខ្មៅដោយមានការដឹកនាំណែនាំផ្ទាល់ពីលោកអភិបាលខេត្តបានធ្វើអោយមន្រ្តី
រាជការគ្រប់លំដាប់ដាក់ថ្នាក់លិខិតប្រឹងប្រែងបំពេញភារកិច្ចទទួលខុសត្រូវខ្ពស់រួមចំណែកយ៉ាងសកម្មក្នុង
ការអនុវត្តគោលនយោបាយយុទ្ធសាស្រ្តចតុកោណរបស់រាជរដ្ឋាភិបាលកម្ពុជា ទទួលបានលទ្ធផលល្អជា
បន្តបន្ទាប់ញុំាងអោយក្រុងតាខ្មៅមានការប្រែប្រួលរីកាចម្រើនលើគ្រប់វិស័យទាំងជីវភាពរស់នៅរបស់
ប្រជាពលរដ្ឋ និងទាំងការងារសន្តិសុខសណ្តាប់ធ្នាប់សង្គមក្នុងមូលដ្ឋាន។ជាក់ស្តែងរយៈពេល៩ខែដើមឆ្នាំ
នេះថ្វីដ្បិតតែបទល្មើសព្រហ្មទណ្ឌកើតឡើងចំនួន៥៤លើកដែលបណ្តាលអោយស្លាប់មនុស្សចំនួន៣ នាក់
របួស២៣នាក់ ស្រី១២នាក់ និងខូចខាតទ្រព្យសម្បត្តិរបស់ប្រជាជនមួយចំនួន ប៉ុន្តែយើងបង្រ្កាបរាល់បទ
ល្មើសបានចំនួន៥២លើកឃាត់ខ្លួនជនសង្ស័យបានចំនួន៨៧នាក់ក្នុងនោះស្រី១០នាក់ចាប់ខ្លួនតាមដីកា៤នាក់
កសាងសំនុំរឿងបញ្ជូនទៅតុលាការបានចំនួន៧២ករណី។ជារួមរាល់បទល្មើសដែសកើតឡើងត្រូវបាន
កម្លាំងសមត្ថកិច្ចយើងទប់ស្កាត់និងបង្ក្រាបបានទាន់ពេលវេលា និងធានាសុវត្ថិភាពជូនប្រជាពលរដ្ឋបានល្អ
ប្រសើរ។

      លោកបានបន្តទៀតថា ទន្ទឹមនឹងនេះបញ្ហាដែលគួរយកចិត្តទុកដាក់ និងគួរអោយកត់សម្គាល់នោះគឺ
ករណីគ្រោះថ្នាក់ចរាចរណ៍បានកើនឡើងចំនួន១៤៨លើក ប្រៀបនឹង៩ខែដើមឆ្នាំ២០០៨ កើនឡើង៨០លើក
បណ្តាលអោយស្លាប់មនុស្ស១៦នាក់ស្រី៦នាក់របួស២៤១ នាក់ស្រី៤៣នាក់ខូចខាតរថយន្ត៤២គ្រឿងម៉ូតូ
២០១គ្រឿង រ៉ឺម៉ក៥គ្រឿង។ករណីនេះបានកើតឡើងនៅគ្រប់សង្កាត់ទាំង៦ទូទាំងក្រុងតាខ្មៅ។

      ពីធីយុទ្ធនាការនេះដង្ហែជាក្បួនឆ្លងកាត់ផ្លូវសំខាន់ៗក្នុងក្រុងតាខ្មៅដែលត្រូវប្រកាសបើកដោយលោក
អភិបាលរងខណ្ឌខេត្តកណ្តាលគឺប្រារព្ធធ្វើឡើងដោយមានឆន្ទៈដ៏មោះមុតចូលរួមចំណែកអនុវត្តតាម
អនុសាសន៍ដ៏ថ្លាថ្លៃប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយក
រដ្ឋមន្រ្តីនៃព្រះរាជានាចក្រកម្ពុជា ដែលស្ទើតែគ្រប់វេទិកាសម្តេចតែងតែអំពាវនាវអោយគ្រប់អាជ្ញាធរមាន
សមត្ថកិច្ចមន្រ្តីរាជការប្រជាពលរដ្ឋ សិស្សនិស្សិត គ្រប់លំដាប់ថ្នាក់ គ្រប់ស្រទាប់ ក្នុងសង្គម ត្រូវតែគោរព
និងអនុវត្តច្បាប់ចរាចរណ៍ផ្លូវគោកអោយបានល្អ និងជាប់ជានិរន្តរ៍។ ប្រសាសន៍ដ៏មានតម្លៃរបស់សម្តេចបាន
បញ្ជាក់យ៉ាងច្បាស់ថា “ គោរពច្បាប់ចរាចរណ៍ គឺស្រឡាញ់ជីវិតខ្លួនឯង”៕