ក្រុងវ៉ាស៊ីនតោនៈ នៅក្នុង​កិច្ចសម្ភាស​ដ៏វែង​មួយ ដែល​គេ​បាន​ចេញ​ផ្សាយ​ពីថ្ងៃសៅរ៍ លោក​ដូណាល់ ត្រាំ បាន​ពណ៌នាគោល​នយោ​បាយ​បរទេស​របស់​លោក​ថាជា​ដំណោះ​ស្រាយ «អាមេរិក​មុន​» ដែល​នឹង​បញ្ឈប់​អាមេរិក​ពី ​«ត្រូវគេ​បោក​ប្រាស់​»ជា​ប្រព័ន្ធ។

កិច្ច​សម្ភាស​តាម​ទូរស័ព្ទ​ជាមួយ​កាសែត​ New York Times នោះ គឺ​ជា​ការ​ពិភាក្សា​ស៊ី​ជម្រៅបំផុត​មកដល់​ពេល​នេះលើ​គោល​នយោបាយ​ការបរទេស​សម្រាប់​បេក្ខ​ជន​នាំមុខ​បក្ស​សាធារណ​រដ្ឋ​រូបនេះ​ ដែល​ចំណាយ​អាជីព​ទាំងមូល​របស់​លោក​នៅ​ក្នុង​មុខ​ជំនួញ។

Loading...

ក្នុង​អំឡុង​ពេល​សន្ទនា​ លោកបាន​ពន្យល់​លម្អិត​ពី​ទស្សនៈ​របស់​លោកលើ​បញ្ហា​ជាច្រើន​ ចាប់ពី សន្តិសុខ​អាស៊ី​ខាង​កើត រហូតដល់​ស៊ី​រី ក្រុមរដ្ឋ​អ៊ិស្លាម និង​ទំនាក់ទំនង​ជាមួយ​ក្រុម​សម្ព័ន្ធមិត្ត​ ដូចជា​អារ៉ាប៊ីសាអ៊ូ​ឌីត។

Donal-trump

បេក្ខជន​ប្រធានា​ធិបតី​បក្ស​សាធារណរដ្ឋ លោក​ដូណាល់ ត្រាំ និង​ភរិយា​ ម៉េឡានីញ៉ា នៅ​រដ្ឋ​អៃយ៉ូវ៉ា។ Afp

លោក​ត្រាំ​ បានថ្លែងថា លោក មិន​មែន​ជាជន​ឯកោ​និយម ប៉ុន្តែ បានពណ៌នា​​អាមេរិក​ថា ជារដ្ឋ​កូនបំណុល​ដ៏ក្រីក្រ​ដែល​ផ្តល់​មូល​និធិ​ គ្មាន​សមា​មាត្រ​ដល់​សម្ព័ន្ធ​ភាព​អន្តរ​ជាតិ​ ដូចជា​អង្គការ​ណាតូ និង​អ.ស.ប.។

លោក​បាន​និយាយ​ថា ភាព​ទំនាក់​ទំនងដែល​ផ្អៀង​ទៅម្ខាង​ មានជាមួយ​ក្រុម​សម្ព័ន្ធមិត្ត​ដូច​ជា​ជប៉ុន​ កូរ៉េ​ខាង​ត្បូង និងអារ៉ាប៊ីសាអ៊ូ​ឌីត។

លោក បានប្រាប់​កាសែត​អាមេរិក​នោះ​ថា៖ «យើង​ត្រូវគេ​មិនគោរព ចំអក និង​បោកប្រាស់​អស់ពេល​ជាច្រើន​ឆ្នាំ​មកហើយ​ ដោយ​មនុស្ស​​ដែល​ឆ្លាតជាង ប្រាជ្ញា​ល្អិត​ជាង​ មាំមួនជាង»។

លោក​បាន​និយាយ​ថា៖ «បាទ! ដូច្នេះ​គិត​ពី​អាមេរិក​មុន​ យើង មិន​ត្រូវគេ​បោកប្រាស់​ទៀតទេ។ យើង​​នឹង​ត្រូវរាប់​អាន​ជាមួយ​គ្រប់គ្នា​ ប៉ុន្តែ យើង​នឹងមិន​ត្រូវ​គេយក​ប្រៀប​លើ​នោះ​ឡើយ»។

ត្រូវ​បានសួរ​ថា​តើជប៉ុន​ នឹង​គួរ​អនុ​ញ្ញាតឲ្យ​មាន​អាវុធ​នុយក្លេអ៊ែរ​ដើម្បីការពារ​ខ្លួន​ពី​កូរ៉េខាងជើង​ឬ ទេ លោក​ត្រាំ បាន​លើក​ឡើងថា នោះ នឹង​ក្លាយជា​ស្ថានការណ៍​អាច​ទទួលយក​បាន​មួយ។​ លោក បានគូស​បញ្ជាក់ថា៖ «ខ្ញុំសុំ​និ​យាយថា បើសិន​ជា​កូរ៉េខាងជើង​ មានអាវុធ​នុយ​ក្លេ​អ៊ែរ តើ​ជប៉ុន​នៅទីនោះ​ក៏ត្រូវ​មាន​ដែរ​មែនទេ? អ្នកអាច​យល់​ច្បាស់​ បើសិន​នោះ​ជា​ករណី​មួយ»។

លោកត្រាំ​ ក៏បាន​និយាយថា លោក​នឹង​ដក​ទាហាន​អាមេរិក​ពីជប៉ុន និង​កូរ៉េខាងត្បូង បើសិន​ជា រដ្ឋ​ទាំង​ពីរមិន​បានបង្កើន​ជា​ដំកំភួន​នូវ​ការ​ចូលរួម​ចំណែក​របស់​ពួកគេ​ជាមួយ​ក្រុង​វ៉ាស៊ីនតោន​សម្រាប់​វត្ត​មាន​យោធាទេ។

លោក​ បានបន្តថា៖ «យើង មិន​អាច​លៃលក​ឲ្យ​ខាតបង់​ក្នុងចំនួន​ដ៏ច្រើន​ពាន់លាន​ដុល្លារ​​លើ​បញ្ហា អស់​ទាំងនេះ​ទេ»។

បន្ទាប់មក លោក​ក៏បាន​រិះគន់​ធ្ងន់ៗ​ចំពោះ​រដ្ឋការ​លោក​បារ៉ាក់ អូបាម៉ា ពីបទ​ស្វែង​រក​ច្រកចេញ​ខាងនយោ​បាយ​សម្រាប់​ប្រធានា​ធិបតី​ស៊ី​រី លោក​បាសារ អាល់អាសាដ​ ខណៈ​កំពុង​ប្រយុទ្ធ​នឹង​ក្រុម​រដ្ឋអ៊ិស្លាម​ថាជា​«ការ​ឆ្កួត និង​ភាព​ល្ងង់ខ្លៅ»។

លោក​បាននិ​យាយថា៖ «ខ្ញុំ​មិន​មែន​កំពុង​និ​យាយថា លោកអាសាដ ជា​មនុស្ស​ល្អ​ទេ ព្រោះ គាត់​មិនល្អទេ​ ប៉ុន្តែ​បញ្ហា​កាន់​តែធំ​របស់​យើង​គឺមិនមែន​ជា​លោក​អាសាដ​ វាគឺ ISIS»។

អ្នកជំនួញ​អចលន​ទ្រព្យ​រូប​នះ បាន​និ​យាយថា លោក​ផ្ទុយ​ទៅវិញ​យក​ប្រេង ជាគោល​ដៅ​ដែលផ្តល់​ចំណែក​ដ៏សំខាន់​មួយ​ មូលនិធិ​របស់​ក្រុម​ជ្រុល​និយម​ ដោយ​បង្ក្រាប​លើ​បណ្ដាញ​ផ្ទេរ​ប្រាក់​ធនាគារ​ផ្លូវងងឹត​ ដើម្បី​កាត់បន្ថយ​លំហូរ​ប្រាក់។

លោក​ត្រាំ​ បាន​និ​យាយថា លោក​ប្រហែល​ជាឈប់​ទិញប្រេង​ ពីប្រ​ទេស​ដូចជា​អារ៉ាប៊ីសាអ៊ូ​ឌីត​ បើសិន​ជា​ពួកគេមិន​ជួយ​អាមេរិក​សម្រាប់​តួនាទី​ខ្លួន​ក្នុងការ​ប្រយុទ្ធ​នឹង​ក្រុម IS ទេ៕

ប្រភពៈ ភ្នំពេញប៉ុស្តិ៍