ពិតមែនហើយ ! ពាក្យចំអកឡកឡឺយថាៈ «កន្តឿអាចម៌ញ៉ុកធើអីចឹង នរណាយកធ្វើប្តី» ជារឿងមួយតែងត្រូវបានលើកយកមកនិយាយលេងសើច មិនថានៅក្នុងសង្គមណាៗនោះទេ ។ យ៉ាងណាមិញ បុរសម្នាក់មិនត្រឹមតែតឿទេ គឺថែមទាំងពិការទៀត ប៉ុន្តែ គាត់មានសំណាង បានប្រពន្ធស្អាតមិនចាញ់អ្នកមានរូបរាងល្អមាំមួននោះឡើយ កុំជោរ! ។

ប្តីប្រពន្ធខុសខ្នាតគ្នាមេឃដី១គូនេះ ដែលប្តីឈ្មោះ Dong Zhijun និងប្រពន្ធឈ្មោះ Yuan Wanyu រស់នៅក្នុងប្រទេសចិន បាននិយាយថា ពួកគេសម្រេចយកគ្នាជាប្តីប្រពន្ធ គឺកើតចេញសេចក្តីស្រឡាញ់ចេញពីបេះដូងពិតៗ ព្រោះថាគ្មានអ្វីអាចយកឈ្នះសេចក្តីស្រឡាញ់បានឡើយ ។

Loading...

រម្លឹកពីពីប្រវត្តិស្នេហ៍របស់អ្នកទាំងពីរ

Dong Zhijun អាយុ២៣ឆ្នាំ មកពីខេត្ដលីវនិញ ភាគឦសានប្រទេសចិន មានកម្ពស់ត្រឹមតែ៨០ សង់ទីម៉ែត្រ។ ដោយហេតុនេះ មនុស្សគ្រប់គ្នាតែងហៅគេថា ” មាណពតូចល្អិត “។ កុមារភាពរបស់គេ ស្ទើរតែទាំងស្រុងប្រព្រឹត្តទៅតែនៅលើគ្រែ ដោយសារជំងឺងាយប្រេះឆ្អឹងដែលតម្រូវឱ្យគេត្រូវសិក្សានៅនឹងផ្ទះ។ ពេលអាយុ១៨ឆ្នាំ Zhijun បានសុំម្ដាយឱ្យទិញកុំព្យូទ័រចាស់មួយគ្រឿង ក្នុងបំណងក្លាយខ្លួន ជាបុរសមានប្រយោជន៍ចំពោះសង្គម ។

ក្រោយប្រឹងប្រែងធ្វើការអស់រយៈពេលច្រើនឆ្នាំ Zhijun បានក្លាយជាអ្នកជំនាញការក្នុងបច្ចេកវិទ្យាអ៊ីនធើណេត និងស្ថាបនាវេបសាយ។ បច្ចុប្បន្នគេជាអ្នកបង្កើតគេហទំព័រ៤ និងគ្រប់គ្រងវេបសាយ៧ផ្សេងទៀត ហើយគេត្រូវបានជ្រើសរើសធ្វើជាលេខា IT ឱ្យក្រុមហ៊ុនសេវាកម្មព័ត៌មានមួយនៅស្រុកកំណើត។

រឿងរ៉ាវស្ដីពីបុរសតឿតស៊ូជម្នះព្រហ្មលិខិត ដើម្បីទទួលបានឋានៈមួយក្នុងសង្គមធ្វើឱ្យរញ្ជួយដល់បេះដូងក្រមុំ Yuan Wanyu រស់នៅខេត្ដក្វាងទុង ភាគខាងត្បូងប្រទេសចិន។ Wanyu រងរបួសរលាកខ្លួនធ្ងន់ធ្ងរ កាលពីទើបមានអាយុមួយឆ្នាំ ដោយបាត់បង់ម្រាមដៃឆ្វេងទាំងអស់ ហើយច្រមុះក៏មិនមានលក្ខណៈពេញលេញ ។ រយៈពេល២០ឆ្នាំដែល Wanyu មិនអាចធ្មេចភ្នែក ដោយសារតែមុខរបួស។ ជីវភាពលំបាករបស់គ្រួសារ បានធ្វើឱ្យនាងត្រូវបោះបង់ចោលសុបិនបានសិក្សានៅមហាវិទ្យាល័យ ហើយភាពពិការខាងសរីរាង្គក៏បានឆក់យកឱកាសធ្វើការរបស់នាងនិងជំរុញនាងឱ្យធ្លាក់ទៅក្នុងស្ថានភាពអស់សង្ឃឹម។

ឆ្នាំ២០០៩ Wanyu ក្រោយពេលត្រូវបដិសេធក្នុងការសម្ភាសន៍សុំការងារធ្វើជាច្រើន នាងរកបានមិត្ដយល់ទុក្ខធុរៈលើគេហទំព័រសម្រាប់ជនពិការមួយ។ មិត្ដជិតស្និទ្ធនោះគឺជា Zhijun។ ដោយស្ថិតក្នុងស្ថានភាពដូចគ្នា Wanyu មានអារម្មណ៍គោរពស្រឡាញ់ Zhijun និងចាត់ទុកបុរសតូចល្អិតនេះជាពាក់កណ្ដាលទៀតរបស់ខ្លួន។ Wanyu បាននិយាយថា ” គាត់ជាបុរសដ៏ល្អ “។

នៅខែមេសាឆ្នាំ២០១០ Zhijun បានសារភាពក្ដី ស្នេហ៍របស់ខ្លួនចំពោះWanyu។ បុរសនេះនិយាយថា ” ខ្ញុំស្រឡាញ់នាងពេញបេះដូង ហើយខ្ញុំនឹងកម្ដៅបេះដូងនាងអស់មួយជីវិត “។ Wanyu ដោយរំភើបចិត្ដយ៉ាងខ្លាំងចំពោះមនោសញ្ចេតនាស្មោះត្រង់របស់ Zhijun នាងក៏បានប្ដូរមករស់នៅក្នុងផ្ទះរបស់ប្រុសស្នេហ៍នៅខេត្ដលីវនិញ។

ដើម្បីព្យាបាលភ្នែករបស់ Wanyu មាណពតូចល្អិតរបស៍ចិនបានប្រមូលប្រាក់សន្សំទាំងអស់របស់ខ្លួននាំនាងទៅស៊ីនជាងវះកាត់កែសម្ផស្ស។ សេចក្ដីស្នេហារបស់ពួកគេពុំត្រឹមតែនាំមកនូវក្ដីសង្ឃឹមឱ្យពួកគេប៉ុណ្ណោះទេ ថែមទាំងទទួលបានការជួយទំនុកបម្រុងពីមនុស្សជុំវិញទៀតផង។ ដោយបានដឹងរឿងរ៉ាវ របស់គូស្នេហ៍ទាំងពីរ មន្ទីរពេទ្យកែសម្ផស្ស Whenyang Xiehe បានសម្រេចចុះថ្លៃ១០០.០០០យន់ (១៥.០០០ដុល្លារ) ក្នុងការចំណាយវះកាត់។

ក្រោយការវះកាត់លើកដំបូង Wanyu បានឈានមួយជំហានទៅដល់ការក្លាយខ្លួនជានារីធម្មតាម្នាក់។ ក្នុងពេលនោះ Zhijun ក៏ចាប់ផ្ដើមមុខរបរថ្មីមួយ។ គេបានបើកកសិដ្ឋានដាំបន្លែ និងផ្គត់ផ្គង់បន្លែបៃតងសម្រាប់ប្រជាជនតំបន់ និងទីក្រុងទាំងមូល។ Zhijun បាននិយាយថា “ចំពោះខ្ញុំ Wanyu ជានារីល្អឆើតឆាយម្នាក់ និងសិចស៊ីបំផុតពិភពលោក។ មិនថាមានរឿងអ្វីកើតឡើងនោះទេ ខ្ញុំនិងនាងនឹងនៅក្បែរគ្នារៀងរហូត “។ (ប្រភពអត្ថបទ៖ magazinecambodia.com)