​កំពង់ចាម ​៖ ​មាន​ករណី​បាក់​ច្រាំង​ទន្លេ​ត្រង់​ចំណុច​រូបសំណាក​ដំរី​មុខ​សណ្ឋាគា​LBN របស់​ឧកញ៉ា​លឹម​ប៊ុណ្ណា ក្នុង​ក្រុង​កំពង់ចាម គួរ​ឲ្យ​ភ័យខ្លាច និង​ខាតបង់​ថវិកាជាតិ​ជាច្រើន​។​

​នេះ​បើ​តាម​គណនី​ហ្វេ​សប៊ុក​របស់ លោក​ខៀវ កញ្ញា​រី​ទ្ធ រដ្ឋមន្ត្រីក្រសួង​ព័ត៌មាន បានឲ្យដឹងថា នៅ​ថ្ងៃ​ទី​២ ខែវិច្ឆិកា ឆ្នាំ​២០១៨ មាន​ហេតុការណ៍ បាក់​ស្រុត​ច្រាំង​ទន្លេ ស្រុត​ជណ្ដើរ​ចុះ​អូប័រ និង​ស្រុត​សួនច្បារ ម្ដុំ​រូបសំណាក​ដំរី មាន​ទទឹង​៤​ម៉ែត្រ បណ្ដោយ​១៥០​ម៉ែត្រ ស្ថិតនៅ​ភូមិ​១ សង្កាត់​កំពង់ចាម​៕​